|
 Տեղեկատվական
Տեխնոլգիաների
զարգացման խնդիրները միշտ եղել են Հայաստանի կառավարության ուշադրության
կենտրոնում:
Այս առումով
հոկտեմբերի 26-28
«Դիջիթեք-2007»
տեղեկատվական հեռահաղորդակցման և բարձր տեխնոլոգիաների ամենամյա մասնագիտացված
ցուցահանդեսն իր նշանակությամբ առանձնանում է ոլորտին առնչվող մյուս
ցուցահանդեսներից:
Նշենք նաև, որ
ցուցահանդեսի գլխավոր հովանավորն էր «Միկա» կորպորացիան իր «Միկա Արմենիա թրեյդինգ»
(«Միկա» բենզալցակայաններ), «Արմավիա» (ավիաընկերություն), «Դիլիջան ֆրոլովա»
(հանքային ջուր), «Միկա ինտուր» (տուրիստական գործակալություն) ընկերություններով:
Տեղեկատվական և հաղորդակցման տեխնոլոգիաների ընկերությունների
միջև գործարար միջավայր ստեղծելու նպատակով ցուցահանդեսին մասնակցում էր 43
ընկերություն:
Ի դեպ, «Արմավիա»
ավիաընկերությունը ներկայացնում էր
ինֆորմացիոն տեխնոլոգիաների վերջին նվաճումները,
որոնք
օգտագործվում
են
ուղևորների սպասարկման և թռիչքների կազմակերպման մակարդակի
առավել բարձրացման
նպատակով:
 «Արմավիա» ավիաընկերության ՏՏ բաժնի վարիչ Լևոն Ղազարյանը պարզաբանեց, որ «Միկա»
կորպորացիայի ղեկավարությունը բավականին հստակ պատկերացում ունի, որ ավիացիայի
հետագա զարգացումը անհնարին է առանց ժամանակակից ինֆորմացիոն տեխնոլոգիաների
ներդրման,
որովհետև բարդանում են տեխնոլոգիական պրոցեսները,
իսկ
ղեկավարումն ավելի էֆեկտիվ դարձնելու համար անհրաժեշտ է բավարար քանակությամբ
ճշգրիտ, հստակ ինֆորմացիայով ապահովել յուրաքանչյուր աշխատատեղ:
Բանախոսն անդրադարձավ նաև «Արմավիա» ավիաընկերության հետագա ծրագրերին:
-Մոտ ապագայում նախատեսվում է ներդնել էլեկտրոնային տոմսերի համակարգը և
ինտերնետային կայքի միջոցով ուղևորներին հնարավորություն տալ ինքնուրույն
հաշվառվելու:
 Երևանում հոկտեմբերի 26-28 տեղի ունենացավ Ինֆորմացիոն տեխնոլոգիաների
ձեռնարկությունների միության (ԻՏՁՄ) կազմակերպած «Դիջիթեք-2007» տեղեկատվական,
հեռահաղորդակցական և բարձր տեխնոլոգիաների ցուցահանդեսը:
Նշենք, որ ցուցահանդեսի գլխավոր հովանավորն էր «Միկա»
կորպորացիան իր «Միկա Արմենիա թրեյդինգ» («Միկա» բենզալցակայաններ), «Արմավիա»
(ավիաընկերություն), «Դիլիջան ֆրոլովա» (հանքային ջուր), «Միկա ինտուր»
(տուրիստական գործակալություն) ընկերություններով:
Ցուցահանդեսի հիմնական նպատակն էր ստեղծել գործարար միջավայր տեղեկատվական և
հաղորդակցական տեխնոլոգիաների (ՏՀՏ) ընկերությունների և գործարար սպառողների միջև:
Նշենք, որ ցուցահանդեսին մասնակցող 43 ընկերություններից մեկն Երևանի
«Էլեկտրոապարատ»
ընկերությունն էր, որն ունի շուրջ 50 տարվա պատմություն:
 Նախկինում ընկերությունն
արտադրում էր միայն վերելակների էլեկտրական մասերը, իսկ այսօր արդեն՝ ամբողջական
վերելակը: Դեռ ավելին, Երևանի քաղաքապետարանի կողմից նախատեսված ծրագրի համաձայն,
մայրաքաղաքում շուրջ 2500 վերելակ պետք է վերանորոգվի: Նշենք, որ
վերանորոգվող վերելակների մեծ մասը պետք է կատարի Երևանի «Էլէկտրոապարատ»
ընկերությունը:
Ըստ հիշյալ ընկերության գլխավոր ինժեներ Արմեն Սարոյանի, նոր վերլակների
առավելությունը կայանում է նրանում, որ դրանք ի տարբերություն հին վերելակների,
բացարձակապես անաղմուկ են:
-Նոր վերելակները հնարավորություն են տալիս հրդեհների դեպքում հրշեջ խմբին օգտվել
վերելակից, իսկ ներկայիս վերելակներից ոչ մեկն այդպիսի հնարավորություն չունի,-
ընդգծեց Ա. Սարոյանը:
 Երևանում ավարտվեց հոկտեմբերի 26-28-ը մեկնարկած Ինֆորմացիոն տեխնոլոգիաների
ձեռնարկությունների միության (ԻՏՁՄ) կազմակերպած «Դիջիթեք-2007» տեղեկատվական,
հեռահաղորդակցական և բարձր տեխնոլոգիաների ցուցահանդեսը:
Ի դեպ,
ցուցահանդեսի գլխավոր հովանավորն էր «Միկա» կորպորացիան իր «Միկա Արմենիա
թրեյդինգ» («Միկա» բենզալցակայաններ), «Արմավիա» (ավիաընկերություն), «Դիլիջան
ֆրոլովա» (հանքային ջուր), «Միկա ինտուր» (տուրիստական գործակալություն)
ընկերություններով:Ցուցահանդեսին մասնակցում էր 43 ընկերություն: Մասնակիցների թվում էր «Երևան քաղաքի
կառավարման տեխնոլոգիաների տեխնոպարկ» ՓԲԸ-ն: Ըստ ընկերության ներկայացուցիչների,
ընկերությունը զբաղվում է Երևան քաղաքի կառավարման ավտոմատացմամբ: Հիշյալ
ընկերության կողմից մշակվել և ներդրվել է էլեկտրոնային փաստաթղթաշրջանառության
«ԷԼՓԱՍ» համակարգը: Վերջինն արդեն երկու տարի է ինչ գործում է Երևանի
քաղաքապետարանում, իսկ երկու ամիս առաջ ներդրվել է թաղային համայնքներում: «ԷԼՓԱՍ»
համակարգը ստեղծված է բոլոր կառավարական և ոչ կառավարական հիմնարկությունների
համար: Ըստ ոլորտի պատասխանատուների, համակարգը շատ ճկուն է և հեշտ կարող է
փոփոխվել ցանկացած կառավարչական հիմնարկի համար:
-Ներկայում Երևանի քաղաքապետարանի կառուցվածքային ստորաբաժանումներն ապահովված են
համապատասխան կապուղիներով, իսկ թաղային համայնքների գրասենյակները օպտիկական կապի
միջոցով միացված են Երևանի քաղաքապետարանի հետ՝ կազմելով միասնական էլեկտրոնային
ցանց,- նշում է «Երևան քաղաքի կառավարման տեխնոլոգիաների կենտրոնի» ծրագրային
լուծումների մշակման, զարգացման և ծրագրավորման բաժնի պետ Հարություն Մարգարյանը:
Հավելելով, որ, «ԷԼՓԱՍ»-ից բացի կան նաև էլեկտրոնային կառավարման մի քանի այլ
համակարգեր, որոնք նոր են ներդրվել Երևանի քաղաքապետարանում: Դրանք են՝
սոցիալ-տնտեսական զարգացման մոնիտորինգի, շինարարական աշխատանքների փաստագրման և
վերահսկողության, տրանսպորտային միջոցների մոնիտորինգի և հաշվառման, ֆինանսական
մոնիտորինգի համակարգերը:
 Հոկտեմբերի
28-ին ավարտվեց
հոկտեմբերի 26-ին մեկնարկած
«Դիջիթեք 2007»
տեղեկատվական, հեռահաղորդակցական և բարձր տեխնոլոգիաների ցուցահանդեսը:
Ի դեպ,
ցուցահանդեսի գլխավոր հովանավորն էր «Միկա» կորպորացիան իր «Միկա Արմենիա թրեյդինգ»
(«Միկա» բենզալցակայաններ), «Արմավիա» (ավիաընկերություն), «Դիլիջան ֆրոլովա»
(հանքային ջուր), «Միկա ինտուր» (տուրիստական գործակալություն) ընկերություններով:
Ցուցահանդեսին մասնակցել են 43 ընկերություններ, որոնց թվում էր «Նորք»
տեղեկատվավերլուծական կենտրոնը՝ ՀՀ աշխատանքի և սոցիալական հարցերի նախարարության
հետ համատեղ: Ըստ ոլորտի պատասխանատուների, տեղեկատվական և
հեռահաղորդակցության տեխնոլոգիաների ներդրումն ու կիրառումը սոցիալական
պաշտպանության ոլորտում իրականացվող ծառայությունների որակի և հասցեականության
բարձրացման կարևոր նախապայման է:
- Նախարարությունում մոտ 10 տեղեկատվական համակարգեր են գործում,- նշում է «Նորք»
տեղեկատվավերլուծական կենտրոնի տնօրենի օգնական Գայանե Խարագյոզյանը: Դրանք են՝
սոցիալական ապահովության քարտերի, մանկատներում խնամվող երեխաների և որդեգրումների,
աշխատանք փնտրողների և գործատուների, ընտանիքների անապահովության գնահատման,
երեխաների ծննդյան միանվագ և մինչև 2 տարեկան երեխաների խնամքի նպաստների,
հաշմանդամների հաշվառման տեղեկատվական համակարգերը:
Նշենք, որ տեղեկատվական այս համակարգերը ներդրվել և շահագործվում են «Նորք»
տեղեկատվավերլուծական կենտրոնի կողմից, որը կազմում է նախարարության մի մասը: Ի
դեպ, նախարարությունը, նրա կառուցվածքային և առանձնացված ստորաբաժանումներն
ապահովվել են նոր համակարգչային սարքավորումներով, համակարգչային լոկալ ցանցերով:
Ինչպես նաև շարունակաբար իրականացվում են ՏՀՏ բնագավառում սոցիալական ոլորտի
աշխատակիցների գիտելիքների և հմտությունների կատարելագործման և մասնագիտական
վերապատրաստման դասընթացներ:
|
