|
 2008թ.
փետրվարի 27-ին ԱԺ-ում կայացած Կառավարություն - ԱԺ հարց ու
պատասխանի օրը պատգամավոր Հակոբ Հակոբյանը խնդրեց, որ
Գյուղատնտեսության նախարարը բացատրի 2008 թ. պետական բուջեով
նախատեսված գյուղատնտեսության արտադրանքի ֆինանսավորման,
սուբսիդավորման սկզբունքները, որպեսզի հասարակությունը իմանա
ինչպե՞ս է դա կատարվում, ո՞ր տարածքներում և ի՞նչ ծավալներով:
Ի պատասխան
պատգամավորի հարցին Դավիթ Լոքյանը նշեց, որ ՀՀ
կառավարությունը
յուրաքանչյուր հեկտարի մշակման համար 35 000
դրամ ուղղակի հասցեագրված սուբսիդիա է տրամադրում՝ բարձր
լեռնային, նախալեռնային գոտու գյուղերի գյուղատնտեսական
աշխատանքներն ինտենսիվացնելու, հողի մշակումն ավելի ընդլայնված
դարձնելու համար:
2008թ. Կառավարության առաջարկով նախատեսվում է տրամադրել
շուրջ 1 մլրդ 600 մլն դրամի սուբսիդիա, որը կփոխանցվի 80
000 գյուղացիական տնտեսություններին:
Փոքր հողակտորներ ունեցող գյուղացիները, որպեսզի չունենան
ֆինանսական դժվարություններ, հողից չհրաժարվեն և շարունակեն
մշակել և ցույց տան պետական համապատասխան մարմիններին, որ այն
ցանված է՝ այդ պարագայում
նրանք բանկից կստանան իրենց հաշվին
փոխանցված հասանելիք գումարը:
Սահմանված է որոշակի չափ, որը չպետք է գերազանցի 7 հեկտարը:
Ամենակարևորը գյուղացին պետք է ներկայացնի հողի սեփականության
վկայագիրը կամ ունենա նոտարով հաստատված պայմանագիր:
Դ. Լոքյանը հավելեց, որ հիշյալ և նմանատիպ
հարցերը կամփոփվեն համապատասխան ուղեցույցում, որը կբազմացվի և
նվազագույնը հինգ օրինակով կտրամադրվի բոլոր համայնքներին,
որպեսզի բնակիչները ծանոթանան, իսկ գյուղապետարանն առաջնորդվի
այդ մեխանիզմներով:
 1005,0
դրամ սպանդի ենթարկված կենդանու 1 կգ-ի դիմաց, ահա այսպիսի փոխհատուցում
աֆրիկյան ժանտախտից տուժած տնտեսություններին:
«ՀՀ
բյուջետային համակարգի մասին» ՀՀ օրենքին համապատասխան, Կառավարությունը
2008թ. հունվարի
7-ին
կայացած նիստում իր պահուստային ֆոնդից շուրջ 480 մլն դրամ է հատկացրել
աֆրիկյան ժանտախտի հետևանքով կորուստներ կրած տնտեսություններին՝
ոչ
թե փոխհատուցելու, այլ օժանդակելու նպատակով: Գումարը հատակեցնելու են ոչ թե
գլխաքանակով, այլ անասունի մսի քաշով: Այդ ճշտումները կատարվելու են աֆրիկյան
ժանտախտի դեպքերի գրանցման ժամանակ ստեղծված մարզային հանձնաժողովների
միջոցով:
Վերջիններիս կազմած ակտերի համաձայն է տրվելու ֆինանսական աջակցությունը:
Խոզի ժանտախտի և թռչնագրիպի վարակի հանրապետության ներթափանցման վտանգը
կաճի գարնանը,
քանի որ վերջին օրերին Թուրքիայում կրկին թռչնագրիպի դեպքեր են գրանցվել:
Այդ նպատակով արդեն նախաձեռնվում են քայլեր և ուժեղացված է հայ-թուրքական
սահմանի վերահսկողությունը:
Հանձնարարվել է նաև մեկ անգամ ևս ճշտել ու հստակեցնել օժանդակություն
ստացողների ցուցակը, ինչպես նաև որոշմամբ հատկացված միջոցները տրամադրել
բանկերի միջոցով:
Կառավարության նիստում հաստատվել է նաև գյուղատնտեսական հողօգտագործողներին
պետական աջակցության կարգն, ըստ որի դրամական օժանդակություն կստանան մինչ 7
հա մշակվող հողատարածքներ, պտղատու կամ խաղողի այգիներ ունեցող
սեփականատերերը: Յուրաքանչյուր հեկտարի համար պետական աջակցության գումարի
չափը կազմում է 35 000 դրամ:
Կարգի ընդունումը կնպաստի սուբսիդավորման գործընթացի նկատմամբ մոնիտորինգի
անցկացմանը,
գյուղատնտեսությունում սուբսիդավորման գործուն համակարգի ներդրմանը:
Հաշվետու տարվա արդյունքներն է ամփոփել ՀՀ գյուղատնտեսության նախարար Դավիթ
Լոքյանը՝ 2007թ. դեկտեմբերի 28-ին հրավիրած մամլո ասուլիսի ընթացքում:
-
Շուրջ մեկ տարի նախարարության ուշադրության կենտրոնում է եղել սննդի
անվտանգությունը,- նշել է նախարարը: Ըստ պաշտոնական տվյալների, այս տարի սննդի
անվտանգության տեսչությունը տուգանել է շուրջ 761 ընկերությունների: Սակայն այս
ամենի հետ մեկտեղ 2007թ. ուներ նաև տհաճ անակնկալ՝ «աֆրիկյան ժանտախտ»
հիվանդություն անունով: Ի դեպ, բանախոսը փաստեց, որ հաշվետու տարում շուրջ 774
տոննա խոզի մսի կուրուստ է եղել:
Նախարարը մամլո ասուլիսի ընթացքում անդրադարձավ նաև գալիք տարվա ծրագրերին.
- Գալիք տարում նախատեսվում է զարգացնել ձկնաբուծությունը, որը հիմնականում կիրացվի
Մերձավոր Արևելքում և Իրանում:
2009թ-ից գյուղատնտեսությունը սկսելու է հարկվել:
Հարկային ոլորտի պատասխանատուները նշում են, որ սա
«ՀՀ հարկային համակարգի զարգացման 2007-2009թթ. եռամյա ծրագրի»
պահանջն է, քանի որ գյուղատնտեսության ոլորտում կան մի շարք ուղղություններ,
ինչպիսիք են ձվի, մսի և թռչնի արտադրությունները, որոնք բավականին բարձր
եկամուտներ են ապահովում և մինչ այժմ չեն հարկվել: Կան նաև այլ մի շարք
ոլորտներ, օրինակ՝ գովազդի, անշարժ գույքի, կրկնուսույցային, տաքսի
ծառայությունների գործունեության շուկաները, որոնց եկամուտները և հարկային
հարաբերությունները հստակեցված չեն: Դրանք ևս պետք է բերվեն հարկային դաշտ:
MEDINFORM 16.06.2007
|
