2008 թվականի փետրվարի 10-ին, ժամը 18⁰⁰- ին Առնո Բաբաջանյան համերգասրահում տեղի ունենավ համերգ՝ նվիրված «ՄԻԿԱ - ցեմենտ» ՓԲԸ-ի «ՄԻԿԱ» պարային համույթի գեղարվեստական ղեկավար Մանվել Ռաֆայելյանի ծննդյան 50 և գործունեության 30 ամյակին:
«ՄԻԿԱ» պարային համույթն ունի 16-25 տարեկան 32 սան, որից երեքը Երևանից են, մյուսները՝ Հրազդանից ու Չարենցավանից: Պարային համույթը հայկական ազգագրական պարերով ելույթ է ունեցել, ինչպես Հայաստանում, այնպես էլ նրա սահմաններից դուրս՝ Բուդապեշտում, Կիևում, Ռոստովում և մի շարք այլ քաղաքներում:
«ՄԻԿԱ – ցեմենտ» ՓԲԸ-ի մամլո ծառայություն
 

2008թ. հունվարի 25-ին անցյալ տարվա 12 ամիսների ընթացքում ընկերության կողմից կատարված աշխատանքների արդյունքներն է ամփոփել «ՄԻԿԱ-ՑԵՄԵՆՏ» («MIKA-CEMENT) ՓԲԸ-ի գլխավոր տնօրեն  Նաիրա Մարտիրոսյանը: Սակայն ի տարբերություն այլ ընկերությունների «ՄԻԿԱ-ՑԵՄԵՆՏ» ՓԲԸ-ում տարեկան արդյունքների ամփոփումը վերածվել էր իսկական տոնի: Նախքան արդյունքների ներկայացումը, գեղեցիկ պարային համարներով հանդես եկան «ՄԻԿԱ» համույթի սաները: Ուրախանալու առիթ կար, քանզի ըստ բանախոսի 2007թ. ընթացքում ընկերությանը հաջողվել է ձեռք բերել սպառման նոր շուկաներ: Տեղեկատվության կարգով նշենք, որ արտադրված արտադրանքի 53%-ը սպառվել է ներքին, իսկ 47%-ը՝ արտաքին շուկայում:
 2007թ. նախորդ տարվա համեմատ ավելացել է նաև աշխատավարձի տարեկան ֆոնդը՝ 782.5 մլն դրամից հասնելով 986 մլն դրամի:
 - Ընկերությունում աշխատող շուրջ 1000 աշխատակիցների քրտնաջան աշխատանքի շնորհիվ, նախորդ տարի պլանավորած բոլոր ծրագրերն իրականացվել են,- ասում է ընկերության գլխավոր տնօրենը և հավելում, որ բազմաթիվ նոր ծրագրեր կան: 2007թ. տարեկան արդյունքների ամփոփմանը ներկա էր նաև «ՄԻԿԱ Արմենիա» լիմիթեդի նախագահ՝ Միխայիլ Բաղդասարովը: Ի դեպ, հենց նա էլ «ՄԻԿԱ-ՑԵՄԵՆՏ» ընկերության տարբեր արտադրամասերում աշխատող լավագույն 100 աշխատողներին հանձնեց դրամական պարգևներ և նվերներ: Հիշյալ 100 աշխատողներին խրախուսելու նպատակով հատկացվել էր 10 մլն դրամ: Իսկ ամենալավ աշխատողին ընկերության կողմից տրվեց «Ռենո Մեգնա» ֆիրմայի ավտոմեքենա:
 «ՄԻԿԱ-ՑԵՄԵՆՏ» ՓԲԸ-ի ղեկավարությունն էլ էր նվեր պատրաստել «ՄԻԿԱ Արմենիա» լիմիտեդի նախագահի համար. շքանշան՝ ցեմենտի արտադրությունը կազմակերպելու համար: Ի դեպ, ըստ Ն. Մարտիրոսյանի, այսուհետ նմանօրինակ շքանշան կհանձնվի 2008թ. ընթացքում լավագույն աշխատողին:
 Նկարներ միջոցառումից
 

Մեր հանրապետությունում ցեմենտի գնի բարձրացում չի սպասվում: Ավելին՝ նախատեսվում է ներքին շուկայում գները իջեցնել 1000 դրամի չափով: Այս և նմանատիպ հարցերի շուրջ էր 2007թ. նոյեմբերի 23-ին «ՄԻԿԱ-ՑԵՄԵՆՏ» («MIKA-CEMENT) ՓԲԸ կողմից կազմակերպված մամլո ասուլիսը:
Մինչ այդ շուրջ 30 տարի աշխատելով արդյունաբերական ոլորտում՝ ընկերության գլխավոր տնօրեն Նաիրա Մարտիրոսյանը հստակ պատկերացնում էր սպասվելիք աշխատանքների բարդությունը: Տեղեկատվության կարգով նշենք, որ Հրազդան քաղաքում տեղակայված ցեմենտի գործարանն ըստ նախագծի եղել է որպես լեռնաքիմիական կոմբինատ և միայն 1970-ական թվականներին նոր սարքավորումներով և հոսքագծերով վերազինվելուց հետո դարձավ ցեմենտի գործարան: Ըստ բանախոսի, փոքրիշատե նմանատիպ վերազինման աշխատանքներ են կատարվել նաև գործարանի սեփականաշնորհման ժամանակ:
- Այսօրվա դրությամբ 54 հա տարածք զբաղեցնող ընկերությունում արդեն աշխատում են 1000 մարդ՝ միջինը 90 հազ. դրամ աշխատավարձով,- ասում է ընկերության գլխավոր տնօրենը:
Ի դեպ, շատ կարճ ժամանակահատվածում ընկերության կողմից արտադրված ցեմենտը շնորհիվ իր բարձր որակի կարողացավ գրավել նաև միջազգային շուկան: Այդ են վկայում բարձր որակի համար ստացած բազմաթիվ պատվոգրերն ու մրցանակները: Արտադրված արտադրանքի միայն 60%-ն է սպառվում է ներքին շուկայում, իսկ 40%-ն արտահանվում է: Ավելին, մոտ ապագայում արտահանման ծավալների ավելացման միտում է նկատվում:
-  «ՄԻԿԱ-ՑԵՄԵՆՏ» ՓԲԸ կողմից արտադրված արտադրանքն արտահանվում է Վրաստան, Պարսկաստան, Ռուսաստան: Մոտ ապագայում պամանավորվածություն ունենք Իսպանիայի հետ,- ասում է ընկերության տնօրենը և հավելում, որ համագործակցության առաջարկ ենք ստացել նաև Աֆրիկայի կողմից:
Գալիք տարում «ՄԻԿԱ-ՑԵՄԵՆՏ» ՓԲԸ ղեկավարության կողմից նախատեսվում է վերականգնել գործարանի 15 տարի չաշխատած երկրորդ հոսքագիծը, որի շահագործումը հնարավորություն կտա արտադրել տարեկան 700 հազ. տոննա ցեմենտ:
- Լինելով Գերմանիայում, ես տեսա, որ իրենց գործարանները հագեցված չեն նոր, ժամանակակից սարքավորումներով ու հոսքագծերով: Ավելին որոշ ընկերություններն իրենց արտադրությունը կազմակերպում են 1920-ական թվականների սարքավորումների վրա: