0

ՀՀ վարչապետ Սերժ Սարգսյանը հունիսի 14-ին ընդունել է ՀՀ-ում Իրանի Իսլամական Հանրապետության արտակարգ և լիազոր դեսպան Ալիռեզա Հաղիղյանին: Առաջիկա ծրագրերից ու անելիքներից առանձնացվել են Հայաստանի և Իրանի միջև ազատ առևտրի ռեժիմի վերաբերյալ համաձայնագրի ստորագրումը, նավթաքիմիայի բնագավառում համագործակցությունը, Արաքս գետի վրա ՀԷԿ-ի կառուցման աշխատանքները, նշելով, որ ՀԷԿ-ի արտադրած էլեկտրաէներգիան մեծապես կնպաստի սահմանամերձ շրջանների զարգացմանը, իսկ լրացուցիչ խմբաքանակը կօգտագործվի Իրանի հետ էլեկտրականության փոխանակման համար: ԻԻՀ դեսպանը տեղեկացրել է, որ նախատեսվում է ստեղծել համատեղ հանձնախումբ՝ երկկողմ ներդրումները խթանելու նպատակով, իսկ ս.թ հուլիսին Թեհրանում կայանալու է միջազգային խոշոր գիտաժողով՝ նվիրված տարանցիկ ուղիներին, ինչպես նաև «Հյուսիս-Հարավ» միջանցքին: Հայտնում է ՀՀ կառավարության մամլո ծառայությունը:
MEDINFORM 14.06.2007

Այսօր ներկայիս կառավարության վերջին նիստը վարել է ՀՀ նախագահ Ռոբերտ Քոչարյանը: 2007թ. պետական բյուջեի պահուստային ֆոնդից 75 մլն 221 հազար դրամ է հատկացվել ՀՀ տարածքում այս տարվա գարնանային հեղեղումներից տուժած բնակչությանը պետական աջակցություն ցուցաբերելու նպատակով: Այսօր ՀՀ տարածքային կառավարման նախարարի տեղակալ Վաչե Տերտերյանը լրագրողների հետ ունեցած հանդիպման ժամանակ տեղեկացրեց, որ այս տարվա աննախադեպ հեղեղումների հասցրած վնասները գույքագրելու համար ստեղծված աշխատանքային խմբի հետազոտությունների հիման վրա որոշվել է Արագածոտնի մարզպետարանին հատկացնել 200 հազար դրամ, Արարատի մարզպետարանին՝ 1 մլն 463 հազար դրամ, Գեղարքունիքի մարզպետարանին՝ 49 մլն 132 հազար դրամ, Կոտայքի մարզպետարանին՝ 17 մլն 425 հազար դրամ և Տավուշի մարզպետարանին՝ 7 մլն դրամ: Այս փոխհատուցումները հատկացվելու են միայն տնային տնտեսություններին հասցված վնասների դիմաց: Իսկ համայնքային վնասների (ճանապարհների և կամուրջների շինարարություն և այլն) և գյուղատնտեսություններին հասցված վնասների համար տրվելու է առանձին փոխհատուցում: Հատկացված պետական միջոցների ծախսման նկատմամբ լուրջ վերահսկողություն է սահմանվելու, իսկ հեղեղումների հետևանքով առաջացած իրավիճակի ամբողջական ուսումնասիրությունների հիման վրա կազմվելու և կառավարությանն է ներկայացվելու ծրագիր՝ ուղղված հետագայում հեղեղումների կանխարգելմանը, մասնավորապես, գետերի հենապատերի կառուցմանը և այլն:
MEDINFORM 06.06.2007


Համաշխարհային հանրության մեծամասնությունն այն կարծիքին է, որ Չինաստանի տնտեսությունը մի օր կհասնի ԱՄՆ-ի տնտեսությանը: Այս հեռանկարը, սակայն, չի անհանգստացնում հարցախույզի մասնակիցներին և, նույնիսկ, ամերիկացիներին:
Սա պարզել են «Համաշխարհային հարցերով Չիկագոյի խորհուրդ» և «Համաշխարհային հասարակական կարծիք» կազմակերպությունների կողմից անցկացված հարցումները, որոնք անցկացվել են աշխարհի բնակչության 56%-ը ներկայացնող երկրներում: Ոչ բոլոր հարցերն են տրվել բոլոր երկրներում:

Ըստ համաշխարհային հասարակական կարծիքի խմբագիր Սթիվեն Քալի՝ հարցմանը մասնակցած ոչ մի երկրի մեծամասնություն հակված չէ կարծելու, որ սա առավելապես բացասական է: Բոլոր երկրներում մեծամասնությունն այն կարծիքին է, որ այն կամ հավասարապես դրական ու բացասական է և կամ ավելի շատ դրական: ՝ հատկապես զարմանալի է, որ, չնայած ԱՄՆ-ին հասնելու` Չինաստանի կառուցվածքային նշանակությանը, այս հարցի նկատմամբ համաշխարհային հանրության ընդհանուր արձագանքը համեստ է, գրեթե փիլիսոփայական: Նման արձագանքի պատճառը Չինաստանի նկատմամբ համատարած վստահությունը չէ: Համաշխարհային հանրությունը Չինաստանին չի վստահում ԱՄՆ-ից առավել և նկատելիորեն առավել քիչ, քան Ճապոնիային:

Հարցմանը մասնակցած 15 երկրներից 13-ում Չինաստանի ապագա տնտեսական հեռանկարների մասին ամենատարածված պատասխանն այն էր, որ Չինաստանն, ի վերջո, պետք է հասնի ԱՄՆ-ին: Այդ կարծիքի համակիրն է ամերիկացիների 60%-ը: Հարցմանը մասնակցած բոլոր երկրների միջին հաշվով 54%-ն այդ կարծիքի աջակիցն է: Հետաքրքրական է, որ չինացիները որոշակիորեն կասկած են տածում իրենց երկրի տնտեսական հեռանկարի նկատմամբ: Նրանց միայն 50% է կարծում, որ Չինաստանի տնտեսությունը պիտի հավասարվի ԱՄՆ-ի տնտեսությանը:

Համաշխարհային հանրությունը քիչ մտահոգություն է ցուցաբերում ի պատասխան այն հարցի, թե ինչպես են վերաբերվում Չինաստանի` ԱՄՆ-ին հավասարվելուն: Այս հարցմանը մասնակցած 13 երկրներից և ոչ մեկում շատերը նույնիսկ չեն կարծում, որ սա առավելապես բացասական կլինի: Այս խնդրի շուրջ ամենամեծ անհանգստությունը ցուցաբերվում է ԱՄՆ-ում, որտեղ 1/3-ը մտահոգված է: Փոխարենը, սակայն, ամերիկացիների մեծամասնությունն (54%) ասում է, որ Չինաստանի տնտեսական վերելքը կլինի ո՛չ դրական, ո՛չ բացասական, մինչդեռ մեկ այլ խումբ` 1/10-ը (9%) կարծում է, որ այն կլինի առավելապես դրական: Միայն մեկ երկրում` Իրանում, մեծամասնությունը (60%) այն կարծիքին է, որ Չինաստանի` ԱՄՆ-ին հասնելն առավելապես դրական կլինի: Ռուսաստանում, որը կարող է Չինաստանը դիտել որպես ԱՄՆ-ին հակառակորդ և հակակշիռ, Չինաստանի վերելքի նկատմամբ դրական և բացասական կարծիքները գրեթե հավասար են: Ընդհանուր առմամբ, հարցմանը մասնակցած բոլոր երկրներում ամենատարածված կարծիքն այն է, որ Չինաստանի` ԱՄՆ-ին հասնելը հավասարապես դրական և բացասական է: Միջին հաշվով, այս կարծիքին հարում է 32%-ը, իսկ նրանք, ովքեր կարծում են, թե սա ավելի շատ դրական է (29%), գերազանցում են դրա` առավել բացասական լինելու կարծիքը հարողներին (20%):

Չինաստանի տնտեսության հնարավոր վերելքի նկատմամբ համաշխարհային հանրության դրական կարծիքը չի նշանակում, որ հանրության մեծամասնությունը հակված է վստահելու չինացի ղեկավարներին: Հարցմանը մասնակցած 15 հանրություններից 10-ն ասում է, որ նրանք Չինաստանի` «աշխարհում պատասխանատու դերակատարություն ունենալուն» չեն վստահում: Միջին հաշվով, նրանք, ովքեր ասում են, թե Չինաստանին չի կարելի «ընդհանրապես» կամ «շատ» վստահել, 52% և 38% հարաբերակցությամբ գերազանցում են նրանց, ըստ որոնց Չինաստանին կարելի է վստահել «որոշակիորեն» և/կամ «շատ»: 10%-ն այս հարցին չի պատասխանել:

Չինաստանի, ինչպես նաև ԱՄՆ-ի հանդեպ այս առումով վերաբերմունքը նույնն է, որին հարցմանը մասնակցած 15 երկրներից 10-ում նույնպես չեն վստահում: Նրանք, ովքեր ԱՄՆ-ին չեն վստահում, 53% և 41% հարաբերակցությամբ գերազանցում են ԱՄՆ-ին վստահողներին, 6%-ն այս հարցին չի պատասխանել: Բայց սա չի նշանակում, որ հանրությունը հիմնական ուժերին պարզապես չի վստահում: Էականորեն ավելի շատ վստահություն կա Ճապոնիայի նկատմամբ, որի` աշխարհում պատասխանատու դերակատարություն ունենալուն մեծապես վստահում են 16 երկրներից 10-ում: Միջին հաշվով, շատերը 46% և 43% հարաբերակցությամբ վստահում են Ճապոնիային: 11%-ն այս հարցին չի պատասխանել:

Չինաստանը Հայաստանի կողմից կարևորվող երկիր է և, ըստ որոշ փորձագիտական գնահատականների, ռազմավարական նշանակության գործընկեր: Թեպետ ոչ գծային տեմպերով զարգացող այդ երկրի շարժընթացի կանխատեսումը դժվար է, սակայն կասկածից դուրս է գոնե նրա զարգացման որակական միտումների հաշվառման անհրաժեշտությունը: Համաշխարհային կարծիքի ուսումնասիրության արդյունքում կառուցված այս վերջին զեկույցը թույլ է տալիս այդ առումով որոշ եզրահանգումներ անել: Նյութը տրամադրել է Ռազմավարական և ազգային հետազոտությունների հայկական կենտրոնը:
MEDINFORM 02.06.2007
 

Հեղինակային բոլոր իրավունքները պատկանում են MEDINFORM լրատվական գործակալությանը:
Նյութերն ամբողջությամբ կամ դրանցից մասնակի մեջբերումներ կատարելիս հղումը MEDINFORM-ին պարտադիր է:
® ©  2002 - 2007  MEDINFORM news agency, Magistros-Trophy LLC. All rights reserved