Աշխարհում մարտի 24-ը սահմանված է Տուբերկուլոզի միջազգային օր, որի կապակցությամբ 2008թ. մարտի 25-ին Մալաթիա-Սեբաստիա համայնքի №74 մանկապարտեզում տեղի ունեցավ «Առողջ մարմնում, առողջ հոգի» խորագրով ուսուցողական բնույթ կրող միջոցառումը: Միջոցառմանը մասնակցում էին «Պաշտպանենք երեխաներին տուբերկուլոզից» ՀԿ-ի փոխնախագահ և Մալաթիա- Սեբաստիա համայնքի բժշկական կենտրոնի պոլիկլինիկական հարցերով փոխտնօրեն Նարինե Իգիթյանը, Մալաթիա բուժկենտրոնի նորածնային ծառայությունների ղեկավար Նարինե Պողոսյանը և մի շարք այլ պատվավոր հյուրեր:
Միջոցառման նպատակն էր, որպեսզի երիտասարդ մայրերը, տեղյակ լինեն ի՞նչ գանգատների դեպքում, ու՞ր կարելի է դիմել:
Առողջապահության համաշխարհային կազմակերպության տված կարգախոսը «Ես կարող եմ կանգնեցնել տուբերկուլյոզը» շատ կարևոր էր, քանզի մեզանից յուրաքանչյուրն ակտիվ օղակ է հադիսանում այդ հիվանդությունը կանխելու համար:
ՏԲ-ն վարակիչ է և տարածվում է օդակաթիլային ճանապարհով, իսկ չբուժվելու դեպքում, ակտիվ ՏԲ-ով հիվանդ յուրաքանչյուր անձ տարեկան միջինը վարակում է 10-15 այլ անձանց: ՏԲ-ով վարակման համար խթան կարող է հանդիսանալ թուլացած իմունային համակարգը: Հետևաբար հարկավոր է ճիշտ և լավ սնվել:
Տեղեկատվության կարգով նշենք, որ Հայաստանի մարզերի բոլոր պոլիկլինիկաներում արդեն գործում են թոքային հիվանդությունների սենյակներ, որի ծառայություններից օգտվելն անվճար է: Նման սենյակներ նախատեսվում է ստեղծել նաև Երևան քաղաքի բոլոր պոլիկլինիկաներում, որոնք նույնպես կգործեն անվճար: Հետևաբար հարկավոր է, որ յուրաքանչյուրս զբաղվի ինքնաուղեգրմամբ: